Такую заяву чыноўнік зрабіў па выніках перамоваў 30 чэрвеня з удзелам прэм’ер-міністра Аляксандра Турчына і міністра навукі і вышэйшай адукацыі РФ Валерыя Фалькова, перадае прэсавая служба ўрада.
Паводле слоў Іванца, для прыёму на навучаньне расейцаў «вызначаны досыць вялікі спэктар унівэрсытэтаў — больш чым 30». Пры гэтым абітурыенты з РФ могуць паступаць у ВНУ і па адзіным конкурсе зь беларусамі — праз здачу цэнтралізаванага тэставаньня, дадаў міністар.
Іванец таксама паведаміў, што дасягнутая дамоўленасьць аб запуску з навучальнага году-2026/2027 сумесных з РФ адукацыйных праграм па ключавых напрамках. Партнэрамі выступаюць вядучыя ўнівэрсытэты дзьвюх краін — БДУ, БНТУ, БДУІР і Маскоўскі дзяржаўны тэхнічны ўнівэрсытэт імя Баўмана.
Пра ўвядзеньне квоты ў 1.000 месцаў для навучаньня расейцаў у беларускіх ВНУ на бюджэтнай аснове Іванец упершыню заявіў у сакавіку 2024 году. Такім чынам, за год іх колькасьць не зьмянілася.
Міністар адукацыі таксама паведаміў, што «ў высокай ступені гатоўнасьці» знаходзіцца праграма Саюзнай дзяржавы "Запрошаны прафэсар"". Паводле гэтага праекту прадугледжваецца, што ўжо з наступнага году будзе адбывацца "абмен каля 50 прафэсараў з Расейскай Фэдэрацыі і Рэспублікі Беларусь для таго, каб чытаць лекцыі, праходзіць стажыроўкі ў вядучых унівэрсытэтах нашых дзьвюх краін".
28 сакавіка начальнік галоўнай управы прафэсійнай адукацыі Міністэрства адукацыі Беларусі Сяргей Пішчоў паведаміў, што ў беларускіх ВНУ праходзіць навучаньне каля 2 тыс. грамадзян Расеі.
Прэзідэнт Расіі Уладзімір Пуцін у відэазвароце да ўдзельнікаў пленарнага пасяджэння XII Форуму рэгіёнаў Расіі і Беларусі 27 чэрвеня заявіў, што ўсяго ў расійскіх ВНУ зараз атрымлівае адукацыю каля 13 тыс. грамадзян Беларусі.
Форум